Mwenyekiti
wa tume ya taifa ya uchaguzi NEC jaji mstaafu Damian Lubuva amevitaka
vyombo vya habari nchini kutenda haki kwa kutokuegemea upande wowote
kwani wakitumia kalamu zao vibaya zinaweza kusababisha uvunjifu wa
amani.
Jaji Lubuva ameyasema hayo jijini Dar es Salaam wakati akizungumza
na wamiliki wa vyombo vya habari ambapo amesema uchaguzi wa mwaka huu
utakuwa huru na haki kwani matokeo yote yatabandikwa katika vituo vya
kupigia kura hadi ya urais tofauti na miaka mingine ambapo matokeo ya
urais yalikuwa hayabandikwi.
Mwenyekiti wa chama cha wamiliki wa vyombo vya habari MOAT Dk
Regnald Mengi amesema kuna umuhimu wa tume hiyo kuboresha utoaji elimu
kwa mpiga kura kwa kuchapisha habari nyingi kwa lugha rahisi na kuitaka
tume kukemea uvunjifu wa maadili unaofanywa na wanasiasa.
Kwa upande wake kaimu mkurugenzi wa uchaguzi NEC Bw Emanuel kawishe
amesema vyombo vya habari vitaruhusiwa kurusha matokeo ya urais moja
kwa moja na kuongeza kuwa kampeni za uchaguzi katika majimbo na kata
zilizoahirishwa zitaanza Octoba 13 mwaka huu lakini Octoba 25 na 26
zitasitishwa kwa ajili ya kupisha zoezi la kupiga na kuhesabu kura.
Mkurugenzi utangazaji TCRA Bw Habi Gunze mbali na kuvipongeza
vyombo vya habari hasa luninga na radio kwa kufuata kanuni za uchaguzi,
ameitaka NEC kuweka bayana kituo maalum cha kutolea matokeo ya kura
kwani vyombo vya habari haviwezi kufika kila kituo nchini.
Post a Comment