Tume
ya taifa ya uchaguzi imesema haitaruhusu mawakala wa vyama vya
NCCR-Mageuzi, CUF na NLD kuingia katika nyumba vya kuhesabia kura za
wagombea urais kwa kuwa havina mgombea wa nafasi katika uchaguzi mkuu
unaotarajiwa kufanyika Oktoba 25 mwaka huu.
Akizungumza na waandishi wa habari wakati wa mkutano ya viongozi
wawakilishi wa wanawake, mkurugenzi wa tume ya uchaguzi Bwana Kailima
Kombey, amesema tume ya taifa ya uchaguzi haitambui umoja wa katiba ya
wananchi-UKAWA- bali inamtambua kisheria mgombea urais kwa tiketi ya
chama cha demokrasi na maendeleo-Chadema- chama ambacho kinapaswa kuteua
mawakala wa kuwasimamia wagombea.
Kuhusu hofu ya uwazi katika upigaji na kuhesabu kura, mwenyekiti wa
tume ya taifa ya uchaguzi, jaji mstaafu Damian Lubuva amesema kura zote
zitapigwa na kuhesabiwa katika vituo chini ya usimamizi wa mawakala wa
vyama na waandishi wa habari wataruhusiwa kuingia, na kusisitiza vyama
vya siasa vinavyoshawishi wapigakura wao kubaki katika vituo kulinda
kura vinaajenga ya kusababisha usumbufu na uwoga kwa baadhi ya wananchi
utakaosababisha kutojitokeza kupiga kura.
Mwakilishi wa mtandao wa asasi za kirai mkoani Tanga Bi.Adela Mtei
ameilalamikia tume ya taifa ya uchaguzi kwa kukaa kimya huku baadhi ya
viongozi wa vyama vya siasa wakitoleana na matusi na kashfa badala
kutangaza sera hali inayotoa hofu kwa wanawake kuweza kujitokeza Oktoba
25 kutimiza haki yao ya kisheria ya kuchagua viongozi wanaowataka.
Post a Comment