Shirika
la umeme nchini Tanesco limeokoa shilingi bilioni 2.7 zilizokuwa
zinapotea kutokana na ubovu wa miundombinu pamoja na tatizo la umeme
kukatikakatika hovyo hali iliyokuwa ikilikosesha shirika hilo mapato.
Uokoaji wa kiasi hicho cha fedha umetokana na mradi ulioanzishwa na
serikali ya Japan kwa kushirikiana na Tanesco wa kutoa utaalamu wa
mafunzo kwa mafundi wa Tanesco ya namna ya kutumia teknolojia ya kisasa
na kuboresha miundombinu ya usambazaji na usafirishaji umeme hali
iliyosaidia kuepuka ukatikaji wa umeme mara kwa mara.
Kaimu mkurugenzi wa Tanesco Bw Decklan Mhaiki akizungumza jijini
Dar es Salaam wakati wa ufungaji wa mradi huo awamu ya kwanza amesema
kwa sasa hali ya uzalishaji wa umeme imeimarika baada kiwango cha maji
katika mabwawa kuongezeka pamoja na uzalishaji wa gesi.
Kwa upande wake mwakilishi wa JICA Bw Toshio Nagase amesema katika
mradi huo wameweza kuwapatia mafunzo kwa vitendo mafundi 1,400 wa
Tanesco na kwamba suala la kuendelea na mradi huo awamu ya pili
linawezekana baada ya serikali ya Tanzania kuomba.
Post a Comment